सुयपंचमी थुदि
(श्रुत पंचमी स्तुति)

Shrut Panchami Stuti in Prakrit

सुयपंचमी थुदि

(श्रुत पंचमी स्तुति)

रचयिता- मुनि प्रणम्य सागर जी महाराज

.

जयउ सुयदेवदा सुगुरुमुहणिग्गदा ।

जयउ सुयपंचमी णाण चिंतामणी ।।

.

जो जिणणाणदिवायर पूयं

भत्तिवसेण करेदि विमाणी ।

सो खलु जेट्ठसिदस्स तिहीए

पंचमवासर-मिच्छदि णाणी ।।

जयउ सुयदेवदा……..णाण चिंतामणी ।

भूयबलिस्स ससंघसुमज्झे

आगमपूयण- मच्चणकज्जं ।

पव्वमहोच्छवमत्थ कुणंति

भव्वजणा सुयपंचमिणामा ।।

जयउ सुयदेवदा…………णाण चिंतामणी ।

पायदसद्दमयी जिणवाणी

आइरियाण जए हिययारी ।

सुत्तमयी परमागमभासा

लोयविलोयणलोयणयारी ।।

जयउ सुयदेवदा……णाण चिंतामणी ।

Posted in Prakrit Stuti.

Comments will appear after approval.

This site uses Akismet to reduce spam. Learn how your comment data is processed.