चउवीस जिणभत्ति
(चौबीस  जिनभक्ति)

.

.

जय उसह जिणेसर आदिदेव

जय अजिय सुरासुर-पाय-सेव ।

जय संभव जिद-भवसयल-दोस

जय अहिणंदण आणंद कोस ।। 1 ।।

जय सुमइणाह सम्मइपयास

जय पउमप्पह सिवलोयवास

जय जय सुपास णियभत्तपास

जय चंदप्पह-जिणवर चंदभास ।। 2 ।।

जय पुप्फदंत महिमामहंत

जय सीयल सीयलवयणकंत

जय सेय सेयपहदरिससुज्ज

जय वासुपुज्ज तियलोयपुज्ज ।। 3 ।।

जय विमलजिणेसर विजियचित्त ।

जय जय अणंतजिण अइपवित्त

जय धम्मणाह धम्माहिराय ।

जय संतिणाह जगसंतिदाय ।। 4 ।।

जय कुंथुजिणेसर दयावंत

जय अरजिण णाह विमुत्तिकंत

जय मल्लिजिणेसर विहदकम्म

जय मुणिसुव्वय जिण पत्तसम्म ।। 5 ।।

जय णमिजिण भवतणमोहमोक्ख

जय णेमिजिणेसर सीलसोक्ख

जय पासणाह सम्मेद- मुत्त

जय वड्ढमाण देसिदजिणुत्त ।। 6 ।।

चउवीस  जिणेसर वंदणेण

मम चित्तं णिम्मलयरं जेण

जिणवर-भत्ती पुण्णेण होइ जो करइ तियालं सुहं लेइ ।। 7 ।।

Posted in Prakrat Stuti.

Leave a Reply

This site uses Akismet to reduce spam. Learn how your comment data is processed.